کابل ارگ ریاست جمهوری- حامد کرزی رئیس جمهوری اسلامی افغانستان قتل یک نوجوان پانزده ساله را بدست طالبان در ولایت هلمند به اتهام جاسوسی به نیروهای امریکایی شدیدا محکوم کرد.11 میزان 1386 برابر به3 اکتوبر 2007

این نوجوان هیچ ارتباطی با ارگانهای دولتی ویا نیروهای امریکایی نداشت.

رئیس جمهور کشور این عمل بزدلانه، غیرانسانی وغیر اسلامی طالبان را به شدت محکوم نموده گفت که دشمنان افغانستان با اتهامات گوناگون فرزندان این وطن را به قتل میرسانند.

حامد کرزی به مسوولین امنیتی ولایت هلمند هدایت داد تا قاتلین این نوجوان را شناسایی وبه پنجه قانون بسپارند.

رئیس جمهور کشور به خانواده این نوجوان معصوم وبیگناه ابراز تسلیت کرد وبه روح موصوف دعا نمود.